好難得我呢個懶人會同大家玩遊戲送禮物,真係要多謝我朋友送啲澳門船飛出嚟比大家!
為左令個post好似有聲咁,我決定幫個遊戲改返個有氣勢既名,
就叫【猴年未到都有得獎】,呢啲名真係好TBB。
嗱嗱嗱,留心睇我下面段文字喇!
嚟緊TurboJET會喺1月28號開始有船往來屯門同澳門,以前去澳門都主要係出去尖沙咀同上環,住喺屯門及新界西北既朋友都要花時間搭車出九龍同香港。宜家有得由屯門上船過澳門,船程都係40分鐘,平時屯門出尖沙咀都要呢個時間啦。呢個真係屯門同新界西北居民既好消息。
大家係時候好似我咁,再約BFF一齊去澳門玩返轉喇。
問題嚟喇:
到底TurboJet會喺幾月幾日首航往來香港屯門及澳門之新航線呢?
答啱問題後,再tag埋你朋友,咁你就有機會得到【屯門-澳門】來回船飛兩張,名額只有十名,得獎者會收到我既message通知。
而點樣抽,一個字講晒「隨心」!
嗱,如有任何爭議呢,都係由我保留最終決定權。
留意:
船票沒有指定出發日期,但必須於2016年9月30日前使用,不包括港幣11元香港離境稅及港幣28元碼頭服務費。
_____________________________________________________________________________
講左咁多,不如大家又睇下我之前同BFF去澳門既短trip。
和朋友結伴旅行不是容易的事情,尤其是當大家各有事忙,能抽數天在一起,真是一件毫不容易的事。難得九月三日是紅日,於是我特地約我的BFF來一個澳門短Trip,聚一聚,吃喝玩樂一下。