【慳妹推介】 Wego.hk

【慳妹推介】我成日都話要「窮遊」，又話要「平飛」，但係人本身就係懶，永遠都係取易不取難。有時明知有優惠，不過如果要左格價右格價，怕煩既人就會索性放棄。今次我就推介呢個旅遊格價網，方便晒我地呢D要「窮遊」、「平飛」、「懶格價」既人。只要你有心水既旅遊地點同日期，click幾click，就可以幫你搵到至抵機票同酒店，除左幫你慳時間，仲可以幫你慳左荷包裡面既錢! 一舉兩得，快D bookmark左呢個 wego.hk啦!

教你點買香港航空機票

今日香港航空出左個台北優惠，好快就賣晒，之後我再Search又有，後尾有朋友叫我教佢買。其實我都唔係第一次教人買機票，間間airline買機票其實都係大同小異，唔差得遠。我做左個簡單slideshow，等唔識既人學下，去旅行唔一定要搵旅行社幫手，直接去航空公司買係最抵。

S7 airline 網站推介

【最愛格價】

今次想介紹既網站係S7 airline，可能有朋友都會想趁summer歐遊，就以香港直飛莫斯科為例，用S7去book坐CX係$4999（連稅），但係直接響CX度book 同一日、同一個時間、同一間航空公司飛就要$8121（連稅），真係差成三千蚊有多。多左果三千蚊可以留番黎住酒店。大家如果考慮歐遊，可以試下響呢度 book去莫斯科，先玩莫斯科，再轉廉航去London都得。