我第一次一個人去旅行就選擇左沖繩呢個地方，原因好簡單，就係撞啱港航做特價，機票連稅只係$1500左右，於是就決定一個女仔去旅行。


第一次一個女仔去旅行考慮既因素：


1. 你選擇既旅遊地點係咪安全？

2. 一個人住酒店同交通費會唔會好貴？

3. 最重要果樣就係你夠唔夠膽一個人瞓覺？


如果以上三個因素你都覺得無問題又攪得掂，基本上你已經可以拿拿聲去訂機票喇!




一個女仔去旅行既事前準備：


買機票


香港航空間唔時都會做優惠，通常沖繩機票都係賣$950，連稅$1581。至於點樣自己買香港航空機票，下面呢條link就有教你：


相片教學
https://www.facebook.com/media/set/?set=a.581490771930438.1073741830.578478395565009&type=1&l=331c433ea6


Video 教學
https://www.facebook.com/photo.php?v=581494318596750&set=vb.578478395565009&type=3&theater


訂酒店


訂酒店我會考慮幾樣野：


1. 位置

最好響車站附近，出左車站要行幾耐，會唔會好難搵，方唔方便食野搭車都係我會計算在內既因素。


2. 價錢

由於一個人去，無人同自已分擔酒店房錢，所以都會按住預算去訂。


3. 房間既新淨程度

雖然話唔驚一個人瞓啫，但係如果入住左間暗暗沉沉，殘殘舊舊，夜晚可能會驚架，為免夜長夢多，揀間乾淨靚仔會穩陣D，費事自己疑神疑鬼啦！


有人可能會問：「你都未去過果間酒店，點知間酒店係點呀？」


所 以一個女仔去旅行就要好好做準備喇，首先鎖定幾間心水酒店，即係價錢同位置都覺得OK既，然後就去agoda、hotel.com、背包客棧、 trip advisor....呢D出名既旅遊網睇下住客既comment。尤其要睇香港旅客既意見，你知啦好多香港人既要求其實都幾高同麻煩架ma， 如果過到香港人果關，其實唔錯架喇!


關於酒店既位置，由於當時我係第一次去旅行，要確定自己能夠響落飛機後點樣去到酒店。我係check好晒機場既交通，確定自己住既酒店係響鐵路旁邊，再用google map規劃路線，估計落機之後大概幾耐去到酒店。


我慣常用既旅遊網就係Agoda，貪佢某D酒店可以入住前七日先過數，咁就可以一早book定房，但又唔洗一早比定錢。如果訂左後又想轉，入住前七日都可免費取消訂單，重新再book另一間。加上我成日用佢，儲埋D積分，累積一年，分分鐘下次住酒店可以免費。


我住既酒店：
那霸東急Bizfort酒店 (Hotel Tokyu Bizfort Naha)
116-37 Asahimachi, 那霸, 沖繩, 日本 900-0029 (電子地圖)


http://www.agoda.com/zh-hk/hotel-tokyu-bizfort-naha/hotel/okinawa-jp.html


每次我去完旅行都必定會填寫住客評價，因為我地一個評價，其實可能幫到好多人。每個去旅行既人需要都唔同，為左搵適合自己既酒店，就好靠住過既旅客所留既評價，呢樣野真係好有用又幫到人。以下就係我響agoda留既評價，見到呢段野，就知果個係我喇，哈哈!


「沖 繩可以用藍色去形容，我去的是翡翠海灘，可以用完美來形容。沖繩人的質素高，而且很樂於助人，治安非常好。近機場，房間有wifi，可步行至國際 通，15min左右。酒店乾淨，十分舒適，從monorail走過去只需經天橋，5min可到，十分容易找到，而且四周很安全。機場到酒店也只不過 15min，一張one day monorail pass已經可以遊遍那霸。酒店地下有便利商店，旁邊就是那霸巴士站。參加day tour巴士團就 是在這裡報名同集合，非常方便及省時間。」



睇左上面既comment，大概知道我當初點解揀呢間酒店啦。沖繩酒店真係有好多選擇，大部分都好新淨又方便，揀呢間酒店都係想方便自己搭車，免得一個人盪失路驚餐死。


買左機票同酒店之後，其實可以規劃行程。


由 於一個人去旅行，成本確係會貴D，尤其係交通費，所以我通常都會搵下巴士團或者local tour，通常呢類型既tour都會包埋lunch，去幾個景 點既交通費會比自己搭車平。再加上沖繩既巴士比較疏落，如果去既日子唔多，參加巴士團就可以幫你更省錢。三日兩夜或者四日三夜既一人旅客可以考慮下，我就 係響巴士團度認識左位來自東京既太太，仲一齊食lunch。另外，亦認識左一對來自台灣既夫婦，我在旅程最後果日響那霸市再撞到，咁啱我地都係去波上宮參 拜，於是就一齊行去，沿途佢地都好好奇點解我一個女仔去沖繩。第一日夜晚響國際通亦遇到一對台灣小情侶問路，佢地仲好佩服我一個人去旅行，果刻我真係沾沾 自喜，覺得真係好值得。其實係無咩了不起既事，不過比人讚就難免有D鬆毛鬆翼啦，哈哈。


巴士團既資料：

http://okinawabus.com/modules/english/teikan-ab-course-en.html

旅 途中確係有好多趣事，能夠同唔同國藉既人雞同鴨講下，有時真係幾有趣，難得既係大家語言不通，又互不認識，卻在短短既旅途裡面相遇，可能今次見過面後，以 後也不會再見面。巴士團既東京太太就係響完結巴士旅程後，和我相擁說再見，那份溫暖既感覺，我依然記得。有時想想，平常我也不會和家人互相擁抱，但旅途中 卻會遇到意想不到的事。

遲下再分享「一個女仔去沖繩」的行程啦!

我既facebook page:
https://www.facebook.com/Iamarunawaygirl