男性朋友分享: 「去首爾真係好悶,成日都係shopping,我女朋友就開心,我就攰到死!」
「下次去首爾都係叫女朋友同D friend去,我上次陪佢行到我腳都斷。」
「間間都係化妝品,間間都要入,都唔知街頭同街尾果間有咩分別?」
好多人都話,首爾係女生既天堂,男生既地獄,所以我事先聲明,呢篇文章完全係為愛shopping既女生而設。再加上近期既「星星熱」,女生們可能在 plan行程時會加入「尋找都敏俊足跡」,所以都係約埋一班姊妹去,至少目標一致,shopping思路非常清晰,而且幾個女仔一齊買野,更加可以 share多D優惠。
今次去首爾既目標好明確,就係SHOPPING。雖然我好鍾意買野,但係都唔會亂咁買,所以避免自己會買錯野、買貴野,去之前我都係會做research既。亦都希望同鍾意shopping 既女仔 share去首爾買野既心得 XDD


買護膚及化妝品篇

首 先,係鎖定有興趣既品牌,在網上search一下香港既價錢(唔係專櫃價,而係水貨價),確定自己想要既野如果響首爾再平10%或以上就買啦。我鎖定左既 品牌有it's skin、Tonymoly、 Etude、Nature Republic、雪花秀、Banila、Missha、Stylenanda (3CE)

先講下送sample既情況,由於我住明洞,基本上所有skincare 同make up product都係響呢度買晒。而我第一日落機一check in 完就去買野,果日係星期四。

It's Skin 都算比得多sample,不過同香港水貨鋪價錢唔差得遠,買得多可能會抵D。

Tonymoly 都係無乜sample比,一件起兩件止,價錢唔算係平得多(相對香港水貨店),要平就要大量入貨,所以最好係幾個女人仔一齊去,夾份買mask,再唔係就 響香港問定朋友一齊買,咁就抵D。愈買得多就愈抵,可惜我無乜朋友對呢個brand有興趣,所以無乜折扣。

Etude當然係好平啦,而且係送超多野,買得你好開心,可能我太愛粉紅色,成日覺得D野好靚。

Nature Republic會送mask比你,不過唔係受歡迎果隻。呢個品牌除左gel paper mask唔平之外(我以一塊gel paper mask 介乎 4000-5000won去做定位),其他product非常之平。我買得最多係呢個品牌,蝸牛mask(4500 won) 同collagen mask(3500 won)都有買,佢地好奇怪,買一塊同買一百塊都係咁既價錢。Sales姐姐教蝸牛mask同collagen mask間住用,可慳錢。其他skin care product好多都係HKD$30-$80,好抵買,所以都買左D火山泥mask,堅果油hair mask/精華等...另一樣覺得買「啱」左既就係支lip stick,原本鎖定3CE,點知去到咩都斷貨,之後見sales 姐姐幫個女仔搽shocking pink同sharp 橙色,即刻覺得果位中國人都韓左,所以我都要買番兩支,可以話係韓妝必備 。

雪 花秀係無比sample 我,而且我係要去到機場先買到。原因係我日日都係夜晚九點先番明洞,而樂天鬼咁早收,八點半去到就收左。到我去到果日CS姐姐又老點我去地下果層買雪花 秀,計一計價錢,超貴,夠膽死三支lip gloss要成十幾萬won(即係成千蚊港紙)。後來,whatsapp朋友先知要上樓上duty free果層買先抵(好在有個首爾達人教路,我去東大門都係參考佢個blog,好pro,多謝natalie),可惜我又走左。後尾去到機場見有,買孖妝 sleeping mask先叫抵D,七十幾美金兩支($58X),平過香港counter百令蚊左右,水貨就三百幾,都叫平左幾十。不過好奇怪係除左樂天同機場duty free之外,我都係無見過雪花秀,其實係咪真係韓國出品呢?韓國人唔通唔鐘意用,定係比香港人吹捧得太勁呢?真係不得而知!

Banila 最近好紅既牌紙,CC cream同卸除乳都係好多人推介,仲有係佢地一系列既黑色face mask, eye mask (有芝麻卷之稱)。其實SASA響禮頓既flagship store裡面都有counter, 不過當然唔夠韓國買平啦,CC cream香港水貨賣二百幾,果度賣25000 WON($18X)。Clean it zero卸妝乳港水貨賣(18X),果度賣18000WON ($13X)啦。又係果句啦,買三支CC cream可以送粉餅,不過我得兩個人想買呢個CC cream,又拎唔到優惠。



Missha,呢個品牌我無用開,都係幫朋友仔買,佢話我知首爾既價錢係香港既六折,算係咁多個品牌中抵買之一。有sample 送,唔係好多。

講 到Stylenanda,原本想要大量入貨,點知去到樂天young plaza又係比人掃晒,最後都係買左三件make up product同一件衫。呢度係無野送架,不過D衫真係好靚,我淨係買左一件四萬won左右($28X),同埋少許化妝品。其實化妝品響香港都有得賣,而 且唔太貴,只係貴韓國20-30%,不過貴為fans點都要朝拜下。


之 前提過我大部分化妝品都係響星期四果日買,呢一個舉動確係令我有少少後悔,原來好多shop會響星期五至日做discount,就以nature republic為例,我第一日買左個火山泥mask($5X),點知星期五去到弘大做緊半價至七折,果刻幾肉赤。Missha都係無啦啦八折,不過番到 明洞又發覺明洞無做半價至七折呢隻promotion。

總括而言,去首爾買護膚品要抵(尤其mask),最好係同人share,所以去之前問定有無朋友想買。另一個方法係,第一日入去格好價,睇下邊D多買多平,然後同朋友夾埋一齊買。咁就可以買得最抵喇!

買衫篇

今次買衫主要行左明洞、東大門、弘大及梨大。

明洞其實幾平,不過唔會太靚,一般旺角貨式,普遍20000won($14X)有交易,擺響門口既特價貨一般係10000won($7X),不過又唔太吸引。有D舖頭設計得幾靚,D衫既價位就會去到30000-50000 won ($21X-$35X)左右。


又或者可以去lotte young plaza睇下,有D衫都幾靚,當然係stylenanda,價錢40000-100000 won 或以上,如有8折,二百幾都有交易。


地下有間好cute既MAJO-SADY,好多文具,好啱做手信。

回 想上次去首爾好似係06年,果時響明洞有間artbox,我當時買左好多精品有音樂盒,noticeboard,襪,mouse pad總之乜都有D,今次去到唔知間地舖去左邊。原來noon百貨公司地下間書店就隱藏左artbox,鐘意choc 貓貓就一定要去,仲有好多monopoly既精品,有買開韓國文具都應該識。


東 大門,記住唔係掃平貨既地方,要去就要夜晚九點後去,為左省下大家既腳骨力(去旅行最寶貴既唔係錢同時間,而係體力),記住千祈唔好 去 Migliore、Hello apM,因為D衫確實又貴又唔得,入去都嫌晒腳骨力同時間。Doota被好多人吹捧,講到又潮又靚仲話買唔停,而在我而言,覺得完全唔值得去,好多野都成 十萬won,一件tee都五六萬won,格局似百貨公司,價錢貴過IT,可惜貨品只係一般師奶果D。不如索性行過對面馬路批發區博一博,可能仲有幾會有收 穫,不過都唔好太大期望。Designer Club,我絕對推介,因為你真係會睇到靚既設計,我地成日響聯合、金百利、利時見到既衫都會響度搵到熟口熟面。不過,唔會係平,但係真係靚同想買。 Tips係先行地牢同地下,地牢accessory,有首飾、披肩、手袋,絕對係會買到野,我買到條超大既披肩(15000 won),質地好款式唔錯,另外仲買左個小包包,真係完全韓style(18000 won)。當你買完野就會有佢地designer club既膠袋,因為成個商場都係用同一款膠袋,你買過野,其他舖都會願意賣野比你。最好你個裝扮似係入貨,大大個袋,再抽住designer club 個膠袋,咁會似入貨多D。一樓以上就係賣衫,記住唔係間間都可以零售,不過睇啱就一問無妨。基本上,地牢至三樓都買到野,係單件都照做你生意。四樓就係批 發,就係要至少買兩件仲要同款,所以你真係要同D taste口味差唔多既人去,如果唔係會好難買。雖然,我唔係有太大收穫,不過呢度有D衫真係好靚,其他地方搵唔番。衫既價位係30000 won ($2XX)以上,唔好期望有幾十蚊貨仔,正所謂一分錢一分貨。羊毛出自羊身上,我肯定佢地既質料真係好好,至少你可以看到是made in Korea,你唔會千里迢迢飛到韓國買淘寶貨先。


弘大,係掃貨天堂,位於大學附近,無論買野食野都係平,而且呢度係超多靚靚cafe,真係會花你好多時間,所以務必預留半天響呢度。

弘 大地鐵九號出口附近,基本上,有首飾、鞋、衫、袋,耳環頭夾係令我瘋狂左既一環,1000-3000 won有好多好多選擇,平時我最鐘意就係戴頭飾耳環,香港平極都要三四十蚊對耳環、頭飾,呢度七蚊有交易。勁買都唔心痛,而且又唔重,蝴蝶款式,唔同顏色 大細我都買左,哈哈。衫,10000won有交易,靚既都係2、3萬won,所以編排行程不妨將弘大、梨大編前D日子,第一二日有足夠錢同腳骨力,先去呢 度掃平野,之後再去其他地方shopping,咁你就心裡有數咩叫抵咩叫唔抵,呢度見到合心水就要買,因為錯過就無架喇,我都嫌頭飾買得唔夠多XP

梨 大同弘大只係相差兩個地鐵站,我會選擇先去弘大,因為午餐同tea都有大把選擇仲有好靚既cafe,而行街好需要腳骨力,所以一路行一路買,攰左就去 cafe tea一tea,影番d靚相,我就係太掛住買野,今次旅行無乜影相,hehehe!講番梨大,整體上我會比較喜歡弘大多D,因為梨大雖然多平野,但D款同 花園街差唔多,要搵好野真係要慢慢發掘。當然,我亦響呢度搵到寶物,記住shopping永遠唔會間間啱你心水,亦都唔會成條街既舖都平靚正到嘩嘩聲,所 以要有心機慢慢發掘。

我 講既寶物就係一間響梨大既Vintage 店,裡面真係有好多經典品牌既褸、冷衫、手袋。我就係響度搵到歷史既遺物,我小時候已經好出名既United Colors of Benetton,另外亦有Lowry Farm,裡面既衫keep得好好,而我買左兩件冷衫,一件短褸,價錢係10000-15000won,埋單三件衫37000 won($260)。如果唔怕二手野,又或者愛好vintage者都可以去睇下,我兩件冷衫都係100% wool。


P.S. 去到首爾買野,所有sales都採用人盯人策略,係咁sell 你,行過門口會有人突然拉你隻手入舖頭,而呢D sales姐姐全部都識講普通話,大部分都係中國留學生。你一路行佢就一路跟,其實幾煩,不過我都係照睇我既。記住要著對好舒服既鞋,因為首爾既地鐵係要 不停轉站,坐一兩個站就轉車,轉車站有時距離好遠好遠,出口只得一個。仲有係佢地既都算係有障礙社會,經常只得樓梯無電梯,地面不平,好難推喼,有時要 拉,好費力。記住千祈唔好拉喼坐地鐵,會非常辛苦同攰架。

遲下再分享多D首爾既實用旅遊資訊啦。
我的facebook專頁:https://www.facebook.com/Iamarunawaygirl