青藏牛肉麵

真係好怕又濕又凍既天氣，放工成個人都無黎神氣。呢d時候真係要整番碗熱騰騰既湯麵。嘻嘻，呢個青 藏牛肉麵係我近期幾常食既小店。呢間小店唔係響青藏，而我都未曾去過青藏，有機會都好想去下。點解會講呢間野呢？其實係我覺得佢幾抵食，環境唔錯，而且又 有串燒，又有麫，食到飽都係幾十蚊。

你知啦，我成日都想旅行，所以平日都唔會食貴野，要慳錢出走，所以我最鐘意食平靚正既小店或者茶餐廳。

呢間野響北角，我幾欣賞佢個湯底，另外，串燒都唔錯，係用孜然粉燒，我係嫌佢d味度太濃。女仔都可能怕太重口味既野食，但係我大部分男性朋友食過都話好味。


其實以咁既價錢有咁既質素，的確唔錯。我地真係要多d幫襯小店，宜家咩都貴，響香港營商環境愈來愈艱難，特色小店一間執完又一間，真係唔想選擇愈來愈少！

如果再發現到平靚正好野就再分享，又或者你地話我知有咩好野啦。

青藏牛肉麵 Noodles
地址 : 北角錦屏街27A號地舖
前往方法:書局街入

http://www.openrice.com/mobile/sr2.htm?shopid=31961