Take a Break @ Shenzhen




深圳，好多人提起都驚！
「拿拿拿...唔好叫我番大陸呀，我最憎就係強國人架！」十個有九個女仔都會咁樣同我講。
我明！因為我曾經都好驚番大陸，我仲同朋友講話：「我唔想無晒D內臟囉!」（當年盛傳上羅湖城整指甲既女仔，比人響廁所生劏，講起都驚）
後來，經過朋友帶隊去完之後，原來唔係我想像中咁恐佈。

再加上人大左，獨立性強左，出門去玩搵啱方法，其實近近地既hea遊深圳都可以好有樂趣。我地就暫且放低中港矛盾，試一試慢遊深圳。

主要交通：
如果係我帶隊上深圳（我指係帶朋友去玩，我唔係導遊呀XDD），我比較建議坐地鐵遊深圳，尤其我每次都係同幾個女仔去，坐地鐵較為安全同乾淨。你知啦，香 港既女仔最怕污漕，如果由我帶隊，我盡量都會以舒適同乾淨為最大前題。（不過，洗手間依然係最大問題，仲係踎廁而且都有臭味！）

通常我會約大家響九龍塘火車站出發，然後就帶住一班小明上深圳，名乎其實，港鐵入深圳出。

【OCT LOFT 華僑城創意文化園 】

我幾鐘意黎OCT LOFT ，呢個地方好好Hea，裡面有好多間cafe，仲有不少中港台既藝術家響度開設工作室或商店，裡面仲有青年宿舍同hip hotel，就算係黎兩日一夜玩個短trip都唔錯。



我住過下面呢間：
城市客棧（深圳創意園店） (City Inn OCT Loft Hotel)
http://www.agoda.com/zh-hk/city-inn-oct-loft-hotel/hotel/shenzhen-cn.html?asq=jGXBHFvRg5Z51Emf%2fbXG4w%3d%3d

去到OCT LOFT，我就最鐘意影相同食野，呢度唔係太多人，所以可以慢慢影過夠。





前往方法：
搭地鐵，從僑城東站（羅寶線）A出口行到OCT LOFT 華僑城創意文化園既google 地圖，一出A出口轉右再轉右就會到，唔洗過馬路，行五至十分鐘。

【時間有限，快樂無限！15秒的深圳】
https://www.facebook.com/photo.php?v=598324830247032&set=vb.578478395565009&type=2&theater

【少年宮】

呢度係一個商業區，周圍都係商業大廈，少年宮裡面有個深圳書城中心，成八萬幾呎，如果你唔介意睇簡體字，響呢度真係可以買到好多心頭好。買完書仲可以搵間咖啡店坐下，都係一個唔錯既選擇。

前往方法：
搭地鐵，少年宮地鐵站 D 出口 （龍崗線）



【香蜜湖木屋燒烤】

香蜜湖木屋燒烤係我每次去深圳必到既地方，帶過唔同既朋友黎，每一個都響度食得好開心，仲大叫抵食又好味，成班朋友黎呢度勁食，每人都係港紙一百蚊左右 （係 豪食果隻），如果幾個人黎最好就坐的士，因為響深圳坐的士都唔貴，印象中響福田口岸或者皇崗過去三四十蚊人仔，每人都係十蚊左右，停正門口，上車同司機講 【香蜜湖木屋燒烤】，大部份都識黎架喇。

呢度另一個賣點就係木屋燒烤既老闆就係美國總統奧巴馬既細佬。

更多資料： http://www.openrice.com/shenzhen/restaurant/sr2.htm?shopid=32619

前往方法：
搭地鐵，香蜜湖地鐵站B出口，行十分鐘左右


「華僑城創意文化園」前往方法：
搭地鐵，從僑城東站（羅寶線）A出口行到OCT LOFT 華僑城創意文化園既google 地圖，一出A出口轉右再轉右就會到，唔洗過馬路，行五至十分鐘。


「深圳書城中心」前往方法：
搭地鐵，少年宮地鐵站 D 出口 （龍崗線）


「香蜜湖木屋燒烤」前往方法：
搭地鐵，香蜜湖地鐵站B出口，行十分鐘左右


我既facebook page:
https://www.facebook.com/Iamarunawaygirl