首爾滑雪初體驗﹣鳳凰滑雪場

我今次去呢個雪場距離首爾市算係近，兩個幾三個鐘就到。


我係上網搵到韓國教練Paul，然後用line同佢聯絡同夾日子。之後就用PayPal比左按金(25蚊美金），當日見到佢就比埋尾數。

朝早7:30約定教練喺鐘閣站等，然後教練就揸車嚟接我地，我有兩個人，佢架車坐四位。然後再接另外兩位來自馬來西亞既情侶。於是就直接去鳳凰滑雪場。大概八點首爾市出發，十點幾到租衫既地方。






                                                                                                                                                                                                        



教練係韓國人，識英文同國語，少少廣東話（佢話最近上緊堂）。佢好細心準備好晒所有野，而且有心機教。不過我地初學者，純粹學向前，停，轉彎，就係咁多，因為時間有限，要即日來回。其實車程都個左4-5個鐘。

    呢個就係教練。

   十點幾左右到達，然後租衫同鞋，手襪教練都包埋，係另外要加5000won比滑雪鏡。換完衫就揸車去雪場，大概五分鐘車程。

         

去到就會教我地基本技巧，著鞋，平衡，滑同停等。教練好熱心幫我地影相同拍片，因為佢要放喺自己個facebook page度。

之後，我地就去雪場內既Food Court食lunch，唔好期望有好野食，純粹填飽個肚就算。

 然後繼續玩，學點轉彎。大概兩點半左右就走喇。真心鐘意滑雪，雖然體力消耗得好快，但見到落住雪既雪山，一切都值得。首爾之旅真係好完滿！

呢個團只有四個人，其實係好私人既團，夠四個已經可包團喇。我係無滑過雪，今次算係體驗形式，絕對推介比初學者。平平地，又乜都唔洗準備，有雪睇，有雪滑，係咁影相好開心。





                                                                                                          
一天滑雪團的簡單行程：
7:30 住既地方出發
10:00到租衫既地方
10:45雪場開始學
12:00 lunch
13:00 繼續滑
14:30 say goodbye

收費因應滑雪場而定：
龍平滑雪場,每人110'000krw
鳳凰滑雪場,每人100'000kw
滑雪行程包含以下費用:
明洞地區到滑雪場，來回接送
滑雪服裝(外套跟褲子)
(大部分的韓國旅行社都不包含此費用)
滑雪裝備(鞋子、滑雪板、滑雪杖)
滑雪防水手套
基本滑雪教學費
不包含的費用:
午餐費
滑雪場纜車費用(若要搭乘，需先熟練基本滑雪技巧，知道如何停下來跟變換方向，並配戴安全帽之後才能搭乘。)
以現時兌換率1:140計算：
滑雪團整個費用為$750左右（已包所有入場費、衫、褲、眼鏡、手襪、滑雪具）


教練個page:
https://www.facebook.com/paulskiclub