之前好多人問我喺首爾住果間屋喺邊同點Book,但大家好心急想知,但當日我只係啱啱到,未住過又唔想咁快講好唔好。大家記住租apartment,其實同租酒店係有分別,首先唔會日日有人幫你執屋執房,食完用完既野要自己清理,臨走時都要整理番間屋,你都唔想自己變成「港女台灣租霸」咁,所以book之前都要諗清楚。如果自己係懶人,又想樣樣有人服侍,就唔好揀Airbnb喇。
我一向都有用Airbnb,而今次我住呢間HG House 就係喺Airbnb 搵番黎。當初就係見到下面既相好靚就想租喇,於是就send request比個host,然後等個host approve左,之後我地就互相在airbnb既inbox互相溝通。
(上面四張相片來自Airbnb,不是我拍的)
同韓國人聯絡,最方便既方法就係用LINE。我同host喺inbox交換左LINE,有問題就會喺LINE問佢。
我搭香港快運21:50機 ,非常準時起飛(贊)。
原定首爾時間02:25落機,點知提早左02:00就land (超贊)。
不過,早land無用,因為深夜呢個時侯得一班出首爾車站既巴士(9000won),都係03:50 先有(5號出口等車)。
過關超快,行李頗耐,02:50左右出閘。
本來想去機場裡面既Spa ON AIR 汗蒸幕試下,但係Full左無得試。
未有車,有D肚餓,梗係便利店當深宵食堂,醫下肚,順便增值下張T money 。
(關於機場出閘要準備既野,可參考舊年我寫既文章,可能有少少out,不過可當參考: http://iamarunawaygirl.blogspot.hk/2014/03/blog-post_6716.html)
03:50超準時開車,一上車瞓到豬咁樣。
05:00到首爾車站,我立即跳上的士去我租果間屋。同司機零交流,佢對住我係咁講韓文,我就拎住韓文地址比佢自己睇同入GPS。車程10分鐘,大概6500won,抵搭,無理由等5:30坐頭班地鐵,梗係搭的士好過。
租屋最爽就係如果前一日無人租,我地係幾時都可以入住,唔洗check in,去到入密碼鎖。
凌晨到達都唔駛蒲汗蒸幕等check in。
一落的士,周圍好黑,而且完全認唔到方向,好好彩,兩個索韓妞蒲完,幫我搵到喺邊,仲幫手拉行李,好運到極點。
係時侯介紹下間屋,下面既相就係我用手機影,即係實拍無執相。
屋主提供埋洗頭水、護髮素(無沖涼液,牙膏)、毛巾、iphone charger連speaker、Android charger、風筒、室內wifi、portable wifi egg (呢樣係超贊,慳左幾百蚊,但要自律,因為wifi旦唔係無限月費,所以喺屋內就唔好用隻旦,用室內wifi,外出用旦就唔好睇片)。
最最最正既就係flexible既check in check out time,我一早就聯絡屋主關於航班時間,佢話如果無人之前租,我就隨時可以check in。而所謂既check in 其實無任何手續,只不過係一日前,屋主會send間屋既門鎖號碼比我,然後就入密碼已經可以入屋。每次出出入入都唔洗帶鎖匙或匙卡,真係好方便。走又唔洗check out,慳好多時間。
出發前,屋住send 左一份關於去HG House 既資料比我,當中包括左地址、交通同屋內設施等。下面既相係屋住send比我既資料:
點樣由機場搭巴士去HG House:
點樣由機場搭地鐵去HG House:
有兩個站可以出 Jonggak Station 鐘閣站同 Eulijiro 1(il)ga station 鐘路三街站,我覺得鐘閣呢個站近D,行去間屋係5分鐘以內。
Eulijiro 1(il)ga station 鐘路三街站
呢個鐘閣站好方便,由江南搭的士番去HG House,14000won以內。
由東大門搭番去 4-5000 won 左右。
由首爾站搭番去 6000 won。
亦可以步行到仁寺洞,15分鐘左右。
樓下又有好多餐廳、coffee shop、酒吧、好熱鬧,幾夜都有野食。附近都好多化妝同護膚品台,地鐵站下面有地下街,如果想最後衝刺,都一定有野賣。
沒有留言:
張貼留言